Livsnytaren april

Dato: Fredag 27 apr 2018

For deg som veit å nyte livet til det fulle. For deg som vil få det meste ut av dagen, oppleve nye ting og som verdset vakker natur og alt den har å by på. Dette er ein pakke full av gode opplevingar, minner og moro - ein perfekt pakke for ein ekte livsnytar!

«Ete fysst»
I Sunnfjord seier vi «ete fysst». Så då var det heilt sjølvsagt at ei slik aktivitetshelg i Sunnfjord må starte med litt god mat i magen – vi et fysst

FREDAG:
Kl. 18:00 – 22:00 Velkommen til Jølster i Fjordamattunet. - http://fjordamattunet.no

Vi ønskjer dykk velkomne i vakre Fjordamattunet. Her får ein møte eit godt vertskap og de vil få mykje nyttig kunnskap om tradisjonsbakst. Kari «i Dala» har vore med og forfatta fleire kokebøker og ho deler gladeleg av sin kunnskap med andre. Denne kvelden er det pizzabaking som står på programmet. Her får alle komponere sin eigen pizza og desse blir sjølvsagt steikt i den vedfyrte steinomnen til Kari.

Dette er for alle, og ingen behov for utstyr eller forkunnskap av noko slag.

Denne kvelden får ein mat, heimelaga rabarbrasaft, kokekaffi/te og litt attåt kaffien.

Her vil ein også få informasjon om helga, og ha høve til å stille spørsmål om det er noko ein lurer på. Ein vil også møte andre som skal være med denne helga.

LAURDAG:
Kl. 04:30 – 09:00 Soloppgangstur m/tilfjells - https://www.tilfjellsas.no

Vekkarklokka stilt til 04:15. Livsnytar, seier du? Det å gå oppover fjellet medan sola óg er på veg opp er ei unik oppleving i seg sjølv. Når du trekkjer pusten i grålysinga og ser Jølsterfjella og breane bli måla med sol på den aller finaste tida på året – den tida då snøen ligg på toppane og dalane byrjar å bli grøne – er ei unik oppleving i seg sjølv. Komme ned igjen før klokka 9, ferdig med dagens topptur, ta ein dusj, lese litt i ei bok og slappe av er også ei oppleving i seg sjølv. Alle desse opplevingane får nettopp dei som blir med på denne turen til livsnytarar!

Namnet soloppgangstur kan vere vanskeleg å etterleve med vêret vi har på Vestlandet, men ein «tidleg-påan-tur» blir det iallfall! Det er ein fordel å smørje niste kvelden før, sekken er óg fin å ha ferdigpakka når avreise er 04:30, med andre ord grytidleg! Turen vi skal gå er ikkje lang, men gjev gevinst i form av storslagen natur og utsikt.
Enkel tur, vi tar det roleg både opp og ned. Passar for dei fleste.

Det er ikkje krav om noko form for spesialutstyr til ein slik tur, men ha med gode tursko/fjellsko som tåler væte, gode turklede etter vêret (som i april kan vere alt frå vinterklede til shorts og t-skjorte, så her må ein sjølv halde seg oppdatert på vêrmeldingane og pakke etter det). I tillegg treng ein tursekk til niste, termos til varm drikke og litt ekstra klede til stillesitting og nyting av utsikta på toppen. Dagen kan ikkje starte betre enn dette!

Kl. 09:000 -13:00: Avslapping – cowboystrekk på puta

Kl. 13:00 – 17:00 Kajakk på Jølstravatnet, med Go'Kajakk - http://gokajakk.no

Etter ein fantastisk start på dagen toppar vi den med ein kajakktur på Jølstravatnet. Her kan du roe heilt ned og nyte den frodige naturen i Astrup sitt rike. På denne tida av året er fjelltoppane framleis dekte av snø og dalane byrjar å grøne. Lufta frå breen er ekstra klar og frisk, Jølstraauren er vakna til liv og fisket er i full gang på Jølstravatnet. Våren, den finaste tida!

Oppmøtestad får ein beskjed om når de møter opp på fredagen.

Enkel til moderat tur

Go’Kajakk stiller med utstyr for ein trygg padletur (kajakk, åre, vest og trekk, sko/støvlar og padlehanskar)

Klede: Varm lue, regnjakke, ulltrøye og tjukk ull-/fleecegensar, ullstillongs, varm bukse og regnbukse, tjukke ullstrømper. Eller kle deg etter vêret som vi pleier å seie. Ta med eit ekstra par med hanskar/vottar + klesskift dersom ein skulle bli våt. Dette må pakkast i vasstette posar.
Personleg utstyr som drikkeflaske, solkrem, termos og kamera som toler vatn.

SØNDAG:
10:00 – 14:00 Golf på Sunnfjord Golfklubb - http://sunnfjordgk.no/

Om du aldri har teke i ei golfkølle før eller er om du er ein erfaren golfar, på Sunnfjord Golfklubb tilpassar Donovan Goosen nivået til deg. Donovan er utdanna golftrenar og er ein utruleg dyktig instruktør.

Etter ei lita innføring, litt instruksjon og øving på driving-rangen (treningsbana) og putting-greenen, blir det spel på bana i form av ei uhøgtideleg scramble-turnering. Scramble/Best-ball er ei flott turnering som engasjerer alle.
Dette er eit særs populært lagspel med 3-4 personar på kvart lag. Reglane er enkle: Alle slår ut sin eigen ball frå utslaget, spelar så vidare på ballen som ligg best for vidare spel og held fram på same måte til ballen er i holet.

Passar for alle, trengst ingen førehandskunnskap.
Utstyr og ballar får ein låne på golfbana. Klede etter vêret. Golf kan ein spele i nesten all slags vêr, berre ein har gode sko og gode klede på seg.
Premiering og lett servering i klubbhuset etter avslutta turnering.

I Jølster har vi ikkje t-bane, trikk eller tog, og bussen går ikkje så ofte, så her må ein sjølv sørge for å komme seg mellom overnattingsplass og aktivitetane. Eigen bil eller samkøyring er ein fordel.

Show more

Bestill nå

Aktivitet Totalpris
Loading